Ambienta Sgr S.p.A. og dótturfelagið BidCo 104 AS yvirtaka P/F GroAqua Group

Ambienta ætlar at fáa einsamalt ræði á GroAqua Group við keypi av partabrøvum. 
Ambienta er eitt ognarfyrisitingarfelag, ið skrásett í Milano í Italia. Gro Aqua Group P/f 
er eitt føroyskt felag, sum mennir, framleiðir og selur tøkniútgerð og skipanir til 
alivinnuna, serliga laksaling. 
 
Sølan viðvíkur í høvuðsheitum marknaðir í Føroyum. Keyparin er eitt norskt felag - BidCo 104 
AS - ið Ambienta eigur. 

Yvirtøkan av GroAqua Group er ein av fýra yvirtøkum sum Ambienta er í gongd við. Hini trý feløgini eru FLS, Smir, og Bio Marine sum øll eru virkin innan norsku alivinnuna.   
 
Sølan førir til, at Ambienta fær einsamalt ræði á GroAqua Group. 

Talan er um eina yvirtøku sambært § 13, stk. 1, nr. 2 í kappingarlógini, og tá umsetningurin hjá pørtunum er omanfyri mørkini í § 14, stk. 1, nr. 2 í kappingarlógini, er talan um eina yvirtøku sum kemur undir fráboðanarskylduna í § 16, stk. 1 í kappingarlógini.

Møguligar viðmerkingar til yvirtøkuna skulu vera Kappingareftirlitinum í hendi í seinasta lagi 15. oktober, kl. 12.

Samskiftið við Kappingareftirlitið er í trúnaði.

Viðmerkingar kunnu sendast til:

Kappingareftirlitið

Postboks 73

FO-110 Tórshavn

Ella umvegis teldupost á kapping@kapping.fo