Fráboðan um yvirtøku - Sp/F Elding yvirtekur Sp/F Power Føroyar

Kappingareftirlitið hevur tann 9. september 2022 fingið fráboðan um, at Sp/F Elding hevur ætlanir um at yvirtaka Sp/F Power Føroyar. Luttakandi fyritøkur reka virksemi innan sølu av hvítvørum, teldum, skermum, fartelefonum og øðrum elektroniskum tólum.

Talan er um yvirtøku sambært § 13, stk. 1, nr. 2 í kappingarlógini, og tá umsetningurin hjá luttakandi fyritøkum er omanfyri mørkini í § 14, stk. 1, nr. 1, skal Kappingareftirlitið taka støðu til yvirtøkuna.

Møguligar viðmerkingar til yvirtøkuna skulu vera Kappingareftirlitinum í hendi í seinasta lagi fríggjadagin 16. september 2022.

Samskifti við Kappingareftirlitið er í trúnaði.

Viðmerkingar kunnu sendast til:

Kappingareftirlitið

Postboks 73

FO-110 Tórshavn

Ella umvegis t-post á: kapping@kapping.fo

Kappingareftirlitið